नगर तालुक्यातील सरपंच पदाच्या आरक्षणाची सोडत जाहीर, अनेकांचा पत्ता कट?

नगर तालुका (प्रतिनिधी) - नगर तालुक्यातील सन २०२५ ते २०३० या कालावधीसाठी ९८ ग्रामपंचायतींच्या सरपंच पदाच्या आरक्षणाची सोडत २३ एप्रिल रोजी दुपारी न्यू आर्ट्स कॉलेज मधील सभागृहात काढण्यात आले आहे. शालेय विद्यार्थिनी ईश्वरी ढवळे हिच्या हस्ते राखीव ग्रामपंचायतीच्या नावाच्या चिठ्या काढण्यात आल्या. तहसीलदार संजय शिंदे, नायब तहसीलदार अभिजित वांढेकर यांच्या उपस्थितीत झालेल्या आरक्षण सोड्तीला तालुक्यातील गावागावातील राजकीय कार्यकर्ते उपस्थित होते.

या सामाजिक प्रवर्गनिहाय आरक्षण सोडतीनंतर २४ एप्रिल रोजी त्याच ठिकाणी प्रांताधिकारी सुधीर पाटील यांच्या उपस्थितीत महिला राखीव साठी आरक्षण सोडत काढण्यात येणार आहे. आरक्षण जाहीर झालेल्या ग्रामपंचायतीमध्ये सरपंच पद थेट जनतेतून निवडण्यात येणार आहे. अनेक ग्रामपंचायत मध्ये पहिल्यांदाच जनतेतून सरपंच होणार आहेत. 

नगर तालुक्यातील ग्रामपंचायतीचे सरपंच पदाचे आरक्षण

पूर्वीचे कायम ठेवण्यात आलेले आरक्षण- भोयरे खुर्द - अनुसूचित जाती स्त्री राखीव, पारेवाडी (पारगाव) - अनुसूचित जाती स्त्री राखीव, बुरुडगाव- अनुसूचित जमाती स्त्री राखीव, पारगाव भातोडी - सर्वसाधारण, भोयरे पठार - सर्वसाधारण स्त्री राखीव, मजले चिंचोली - सर्वसाधारण स्त्री राखीव, आव्हाडवाडी - सर्वसाधारण.

अनुसुचित जातीसाठी राखीव ग्रामपंचायती - सांडवे, हिवरेबाजार, कामरगाव, चिचोंडी पाटील, टाकळी खातगाव, पांगरमल, सारोळा कासार, वारुळवाडी, आठवड, धनगरवाडी, मांडवे, भोरवाडी, अकोळनेर जाधववाडी

अनुसुचित जमाती साठी राखीव ग्रामपंचायती -  पिंपळगाव माळवी, जेऊर, खातगाव टाकळी, देहरे.

ना.मा.प्र साठी राखीव ग्रामपंचायती - पिंप्री घुमट, रांजणी, शिराढोण, रुईछत्तीसी, गुंडेगाव, इसळक, मांजरसुंबा, ससेवाडी, बहिरवाडी, निंबळक, सारोळा बद्दी, डोंगरगण, कर्जुने खारे, इमामपुर, अरणगाव, पारगाव मौला, नारायणडोहो, खंडाळा, उदरमल, नांदगाव व कोळपे आखाडा, हमीदपूर, पिंपळगाव कौडा, वाळुंज, खडकी, मेहेकरी, शहापूर केकती, देऊळगाव सिध्दी, मठपिंप्री.

सर्वसाधारण प्रवार्गासाठी राखीव ग्रामपंचायती - शिंगवे व इस्लामपूर, बाबुर्डी घुमट, विळद, आगडगाव, निमगाव घाणा, रतडगाव, पिंपळगाव उज्जैनी, देवगाव, शेंडी, वडगाव गुप्ता, पोखर्डी, नवनागापूर, बुऱ्हाणनगर, घोसपुरी, कापूरवाडी, बाबुर्डी बेंद, निमगाव वाघा, टाकळी काझी, जखणगाव, उक्कडगाव, पिंपळगाव वाघा, मदडगाव, दरेवाडी, हिवरेझरे, वाकोडी, दहीगाव, सोनेवाडी (चास), साकत खुर्द, चास, राळेगण, दशमी गव्हाण, वडगाव तांदळी, निंबोडी, गुणवडी, कोल्हेवाडी, वाटेफळ, वडारवाडी, तांदळी वडगाव, बाराबाभळी, आंबीलवाडी, भातोडी पारगाव, खोसपुरी, कौडगाव व जांब, नागरदेवळे, पिंपळगाव लांडगा, नेप्ती, सोनेवाडी (पि.ला.), खांडके, हिंगणगाव, बारदरी, माथणी व बाळेवाडी, हातववण, वाळकी.