मुंबई - निलंबित वादग्रस्त प्रशिक्षणार्थी आयएएस अधिकारी पूजा खेडकरला सर्वोच्च न्यायालयाने काहीसा दिलासा दिला आहे. जोपर्यंत पूजा खेडकर ही या प्रकरणाच्या चौकशीत सहकार्य करेल तोपर्यंत तिला अटकेपासून संरक्षण कायम असेल. आतापर्यंत पूजा खेडकरची ठोस चौकशी झालेली नाही असे निरीक्षण न्यायालयाने नोंदवले आहे.
दरम्यान पूजा खेडकरला सकाळी 10.30 वाजता दिल्ली क्राइम ब्रांच समोर हजर राहण्याचे निर्देश देण्यात आले आहे. तर सर्वोच्च न्यायालयात पुढील सुनावणी 21 मे रोजी होणार असल्याची माहितीही पुढे आली आहे.
नेमके कोर्टात काय झाले?
सु्प्रीम कोर्टात पूजा खेडकर प्रकरणी सुनावणी सुरू आहे. आजच्या सुनावणीवेळी दिल्ली पोलिसांनी पूजा खेडकरच्या कोठडीची मागणी केली. यावेळी खेडकरच्या वकीलाने कोठडीत चौकशी करण्याची काही आवश्यकता नाही, असा युक्तिवाद केला. यावेळी कोर्टाने पूजाची ठोस चौकशी झाली नाही असे मत नोंदवले आहे. आता या प्रकरणी पुढे काय होणार न्यायालय या प्रकरणी काय निर्णय देणार याकडे सर्वांचे लक्ष लागले आहे.
दिल्ली पोलिसांनी कोर्टात सांगितले की, पूजा खेडकर 12 वेळा परीक्षेला बसल्या. जरी त्या दिव्यांग असल्या तरीही 9 वेळा परीक्षा दिल्या जाऊ शकतात. त्यांनी नावे बदलली,12 वेळा त्यांनी परीक्षा दिली.
युपीएससीचे वकील म्हणाले की, पूजा खेडकरच्या पाठीशी एक पॉवरफुल सिस्टम आहे.
पूजा खेडकरचे वकील म्हणाले की, खेडेकर दिव्यांग आहेत आणि त्यासाठीचे प्रमाणपत्र तपासणी एम्सने केले आहे.
यावर बोलताना न्यायमूर्ती म्हणाल्या की, पूजा खेडेकर या चौकशीसाठी यायला तयार नाही का? पूजा खेडकरला बोलवा. तयानंतर आरोपपत्र दाखल करा. पूजाला सहकार्य करावे लागेल. ती तपासाला सहकार्य करेल तो पर्यंत तिला अटकेपासून संरक्षण कायम राहील.
Post a Comment