नवी दिल्ली: दक्षिण भारतीय चित्रपटसृष्टीतील लोकप्रिय अभिनेत्री हंसिका मोटवानी सध्या वैयक्तिक आयुष्यामुळे चर्चेत आली आहे. तिच्या आणि तिचे पती सोहेल कथुरिया यांच्या नात्यात दुरावा आल्याच्या बातम्या समोर येत आहेत. लग्नानंतर जवळपास चार वर्षांनी दोघे वेगळे होणार असल्याची चर्चा सोशल मीडियावर रंगली आहे.
हंसिका मोटवानी आणि सोहेल कथुरिया यांनी काही वर्षांपूर्वी मोठ्या थाटामाटात लग्न केले होते. त्यांच्या लग्नाचे फोटो आणि व्हिडिओ सोशल मीडियावर मोठ्या प्रमाणात व्हायरल झाले होते. फॅन्सनीही या जोडीला मोठा प्रतिसाद दिला होता. मात्र आता त्यांचे वैवाहिक आयुष्य संपुष्टात आल्याचे म्हटले जात आहे.
गेल्या काही महिन्यांपासून, हंसिका मोटवानी तिचा पती सोहेलपासून वेगळी राहत असल्याचे वृत्त समोर आले होते. पण, दोघांचे नाते संपुष्टात आल्याचे म्हटले जात आहे. अभिनेत्री हंसिका मोटवानी आणि उद्योगपती सोहेल कथुरिया यांनी परस्पर संमतीने त्यांचे लग्न संपवले आहे. मुंबईतील एका कौटुंबिक न्यायालयाने त्यांना परस्पर घटस्फोट मंजूर केल्याचे वृत्त आहे.
रिपोर्टनुसार, दोघांमध्ये काही काळापासून वाद सुरू असल्याचे सांगितले जात आहे. याच कारणामुळे ते वेगळे राहण्याचा विचार करत असल्याचेही काही ठिकाणी म्हटले जात आहे. मात्र या सर्व चर्चांबाबत हंसिका किंवा सोहेल यांनी अधिकृतपणे कोणतीही प्रतिक्रिया दिलेली नाही. २०२४ पासून दोघे वेगळे राहत होते.
सूत्रांनुसार, घटस्फोटाची प्रक्रिया सौहार्दपूर्णपणे पूर्ण झाली आणि दोघांनीही परस्पर संमतीने वेगळे होण्याचा निर्णय घेतला. महत्त्वाचे म्हणजे, हंसिका मोटवानीने पोटगीची मागणी केली नाही. तिने कोणत्याही आर्थिक दाव्याशिवाय घटस्फोटाला सहमती दर्शविली. कोणताही वाद समोर न आणता कायदेशीर घटस्फोटासाठी दोघांनीही सहमती दर्शवली.
हंसिका आणि सोहेलचे लग्न डिसेंबर २०२२ मध्ये मोठ्या थाटामाटात झाले होते. राजस्थानमधील जयपूर येथे रॉयल वेडिंग ठरले होते. हंसिका मोटवानी ही दक्षिण भारतीय चित्रपटसृष्टीतील एक लोकप्रिय अभिनेत्री आहे. तिने अनेक तमिळ आणि तेलुगू चित्रपटांमध्ये काम केले आहे. तर सोहेल कथुरिया एक व्यावसायिक म्हणून ओळखला जातो.
Post a Comment