सातारा : साताऱ्यातील कोरेगाव तालुक्यात काजल विकास खाकुर्डिया या 27 वर्षीय तरुणीने एकाच वेळी चार बाळांना जन्म दिला आहे. त्यात तीन मुली आणि एका मुलगा आहे. या आधी - पाच वर्षांपूर्वी काजलला तीन जुळी - बाळे झाली होती. अवघड अशी ही प्रसूती सीझेरियनद्वारे करण्यात आली असून, आई आणि सर्व बाळे सुखरूप आहेत.
गुजरातमधील मूळ रहिवासी - असलेल्या आणि सध्या सासवडमध्ये - गवंडी म्हणून काम करणाऱ्या विकास खाकुर्डिया यांच्या घरी आता सात मुलांची किलबिल सुरू झाली आहे. या यशस्वी प्रसूतीसाठी डॉ. सदाशिव देसाई, डॉ. तुषार मसराम, भूलतज्ज्ञ डॉ. नीलम कदम, डॉ. दीपाली राठोड यांच्यासह संपूर्ण वैद्यकीय पथकाने मेहनत घेतली. एका मातेच्या पोटी एकाच वेळी चार बाळांचा जन्म झाल्यामुळे सातारा जिल्हा रुग्णालयात आनंदसोहळाच पाहायला मिळाला. सुरुवातीला थोडी धाकधूक होती. मात्र, प्रसूती सुरळीत पार पडल्याने डॉक्टरांसह महिलेच्या नातेवाइकांनी सुटकेचा निःश्वास टाकला.
याबाबतची सविस्तर माहिती अशी की, प्रसूती झालेली काजल ही मूळची पुणे जिल्ह्यातील असून कामानिमित्त तिचे कुटुंबीय सातारा जिल्ह्यातील कोरेगाव तालुक्यात वास्तव्यास आहे. गरोदर असल्याने काजल जिल्हा शासकीय रुग्णालयात दाखल झाली होती. स्त्रीरोग विभागाच्या तज्ज्ञांनी काजलची तपासणी केल्यानंतर तिच्या गर्भाशयात चार अपत्ये असल्याचं निदर्शनाला आलं.
दरम्यान, डॉक्टरांनी तातडीने शस्त्रक्रिया करत काजलची प्रसूती केली असून जन्मलेल्या चारही बाळांचे वजन 1200 ते 1600 ग्रॅमच्या दरम्यान असल्याने त्यांना आयसीयूमध्ये ठेवण्यात आलं आहे. प्रकृतीची काळजी घेण्यासाठी रुग्णालयाकडून तिला विशेष उपचार सेवा पुरवली जात आहे. काजलची यापूर्वीही दोन बाळंतपणं झाली आहेत. पहिल्या बाळंतपणात काजलला जुळे आणि दुसऱ्या बाळंतपणात एक मूल झाले होते.
Post a Comment