भारतीय स्वयंपाकघरात वेलचीचा वापर गोडधोड पदार्थांमध्ये, चहा किंवा खास पाककृतींमध्ये मोठ्या प्रमाणावर केला जातो. तिचा मोहक सुगंध आणि चव पदार्थांना खास बनवते, पण इतक्यावरच तिचे गुणधर्म थांबत नाहीत. वेलची ही फक्त मसाला नसून आरोग्यासाठी उपयुक्त औषधी गुणांनी युक्त आहे. आयुर्वेदात वेलचीला पचन सुधारक, तणाव कमी करणारी आणि मन-शरीराला ताजेतवाने ठेवणारी म्हणून ओळखले जाते.
रात्री झोपण्याआधी दोन वेलची खाल्ल्यास शरीरावर होणारे परिणाम आश्चर्यचकित करणारे असतात. ही छोटीशी सवय झोपेची गुणवत्ता सुधारते, वजन कमी करण्यास मदत करते आणि तोंडाच्या आरोग्यासाठीही फायदेशीर ठरते.
सततचा ताण, चिंतेमुळे अनेकांना झोप नीट लागत नाही. अशावेळी रात्री झोपण्याआधी दोन वेलची खाल्ल्यास मन शांत होते आणि मेंदूमध्ये आनंदी भावना निर्माण करणारे हार्मोन्स संतुलित होतात. वेलचीतील नैसर्गिक घटक तणाव कमी करतात आणि नसांवरील ताण हलका करतात. त्यामुळे शरीर रिलॅक्स होते आणि झोप लवकर लागते.
वेलचीमध्ये फायबर, पोटॅशिअम, मॅग्नेशिअम आणि अँटिऑक्सिडंट्स मुबलक प्रमाणात असतात. हे घटक पचनक्रिया सुरळीत ठेवतात आणि शरीरातील चरबी कमी करण्यास मदत करतात. रात्री झोपण्यापूर्वी वेलची खाल्ल्यास मेटाबॉलिझम वेगाने कार्य करतो, ज्यामुळे कॅलरीज जाळण्याची प्रक्रिया वेगवान होते आणि हळूहळू वजन कमी होऊ लागते.
रात्री जड किंवा मसालेदार अन्न खाल्ल्यानंतर पोट बिघडणे, अॅसिडिटी किंवा गॅस होण्याची समस्या अनेकांना होते. वेलचीतील तेलं आणि नैसर्गिक एन्झाईम्स पचनरसांची निर्मिती वाढवतात. त्यामुळे अपचन आणि जडपणा कमी होतो. नियमित सेवनाने पोट हलके वाटते आणि अॅसिडिटीची समस्या टाळता येते.
तोंडाची दुर्गंधी आणि संसर्ग कमी होतो
वेलचीतील अँटीबॅक्टेरियल गुणधर्म तोंडातील जंतूंचा नाश करतात. झोपण्यापूर्वी वेलची चावून खाल्ल्याने सकाळी उठल्यावर येणारी दुर्गंधी कमी होते. यामुळे हिरड्या आणि दात सुदृढ राहतात. नियमित सेवनाने तोंडातील संसर्ग, सूज आणि वेदना कमी होतात.
वेलचीमध्ये डिटॉक्सिफायिंग गुणधर्म असतात, जे शरीरातील हानिकारक पदार्थ बाहेर टाकण्यास मदत करतात. दिवसभराच्या थकव्यामुळे रात्री झोपताना जडपणा जाणवत असल्यास वेलची खाल्ल्याने ताजेतवाने वाटते. ती रक्ताभिसरण सुधारते, थकवा आणि स्नायूंची जडजड कमी करते आणि दुसऱ्या दिवशी सकाळी ऊर्जा मिळवून देते.
Post a Comment