सोने आणि चांदीच्या दरात पुन्हा उसळी, किती झाली वाढ?

 

नवी दिल्ली - सोने आणि चांदीच्या दरात 17 मार्च रोजी वाढ झाली आहे. इंडिया बुलियन अँड ज्वेलर्स असोसिएशन नुसार, 10 ग्रॅम 24 कॅरेट सोन्याचा भाव 300 रुपयांनी वाढून 1.56 लाख रुपयांवर पोहोचला आहे. एक किलो चांदी 5 हजार रुपयांनी वाढून 2.54 लाख रुपयांवर पोहोचली आहे.

तज्ज्ञांनुसार, 29 जानेवारी रोजी सोन्याची किंमत 1.76 लाख रुपये आणि चांदीचा दर 3.86 लाख रुपये या सर्वकालीन उच्चांकावर पोहोचला होता. त्यानंतर त्यांच्या किमतीत बरीच घसरण झाली आहे. त्यामुळे त्यांची खरेदी होताना दिसत आहे. या वर्षी सोने-चांदीच्या किमतीत वाढ दिसून आली आहे. गेल्या वर्षाच्या अखेरीस सोने 1.33 लाख रुपये प्रति 10 ग्रॅम होते, जे आता 1.56 लाख रुपयांवर आहे. म्हणजेच, या वर्षी आतापर्यंत त्याची किंमत 23 हजार रुपयांनी वाढली आहे. तर चांदीही याच काळात 24 हजार रुपयांनी महाग झाली आहे.

अमेरिका, इस्रायल आणि इराणमधील युद्ध तिसऱ्या आठवड्यात प्रवेश करत आहे. होर्मुझच्या सामुद्रधुनीत तेल पुरवठा खंडित झाल्याच्या वृत्तांमुळे सुरक्षित गुंतवणूक म्हणून सोन्याची मागणी वाढली आहे. कच्च्या तेलाच्या किमती 104 डॉलर ओलांडल्याने जागतिक चलनवाढ वाढण्याचा धोका निर्माण झाला आहे. परिणामी, यूएस फेडरल रिझर्व्हकडून व्याजदरात कपात होण्याची शक्यता कमी झाली आहे, ज्यामुळे सोन्याच्या किमतींवर दबाव निर्माण झाला आहे. डॉलर निर्देशांकात 0.6% घसरण झाल्याने सोन्याच्या किमती कमी झाल्या आहेत, ज्यामुळे किमती 5,000 डॉलरच्या वर टिकून राहिल्या आहेत.

तज्ञांनुसार, विक्रमी उच्चांक गाठल्यानंतर सोने सध्या 'करेक्शन फेज' (किमतींमध्ये सुधारणा) मध्ये आहे. अल्प मुदतीत गती थोडी कमी झाली असली तरी, दीर्घ मुदतीत तेजीचा कल कायम आहे. अशा परिस्थितीत, गुंतवणूकदार सोन्यात थोड्या-थोड्या प्रमाणात गुंतवणूक करू शकतात.