नगर तालुका पोलीस ठाण्यातील पोलीस उपनिरीक्षक लाच लुचपत च्या जाळ्यात

अहिल्यानगर (प्रतिनिधी): गुन्ह्याच्या तपासामध्ये मदत करण्यासाठी आणि तडजोड करण्यासाठी १ लाख रुपयांची लाच मागितल्याप्रकरणी नगर तालुका पोलीस स्टेशनचे पोलीस उपनिरीक्षक (PSI) जयेश मोतीलाल गांगुर्डे यांच्याविरुद्ध तोफखाना पोलीस स्टेशन येथे गुन्हा दाखल करण्याची प्रक्रिया सुरू करण्यात आली आहे. लाचलुचपत प्रतिबंधक विभागाने (ACB) ही कारवाई केली.

नेमकी घटना काय?

तक्रारदार यांच्या मामासह इतर १५ नातेवाईकांच्या विरोधात ११ मे २०२६ रोजी नगर तालुका पोलीस स्टेशन येथे एक गुन्हा दाखल झाला होता. या गुन्ह्याचा तपास पोलीस उपनिरीक्षक जयेश गांगुर्डे करत होते. या तपासात मदत करण्यासाठी गांगुर्डे यांनी सुरुवातीला २ लाख रुपयांच्या लाचेची मागणी केली होती. या संदर्भात तक्रारदाराने १८ मे २०२६ रोजी लाचलुचपत प्रतिबंधक विभाग, अहिल्यानगर येथे तक्रार नोंदवली होती.

पडताळणी दरम्यान लाच मागितल्याचे निष्पन्न

तक्रारीच्या अनुषंगाने १८ मे २०२६ रोजी पोलीस मुख्यालय, अहिल्यानगर येथे लाचेच्या मागणीची पडताळणी करण्यात आली. यावेळी पोलीस उपनिरीक्षक जयेश गांगुर्डे यांनी तक्रारदाराच्या नातेवाईकांवरील गुन्ह्यात मदत करण्यासाठी तडजोडी अंती १ लाख रुपये लाच स्वीकारण्याचे मान्य केले.

आज (२७ मे २०२६) या प्रकरणी भ्रष्टाचार प्रतिबंध अधिनियम १९८८ च्या कलम ७ प्रमाणे आरोपी पोलीस उपनिरीक्षक जयेश गांगुर्डे यांच्याविरुद्ध तोफखाना पोलीस स्टेशन, अहिल्यानगर येथे गुन्हा दाखल करण्याची प्रक्रिया सुरू आहे.

कारवाई करणारे पथक

ही कारवाई लाचलुचपत प्रतिबंधक विभाग, नाशिक परिक्षेत्राचे पोलीस अधीक्षक श्री. भारत तांगडे, अपर पोलीस अधीक्षक श्री. माधव रेड्डी, श्री. सुनील दोरे आणि अहिल्यानगरचे पोलीस उप अधीक्षक (पर्यवेक्षण अधिकारी) श्री. अजित त्रिपुटे यांच्या मार्गदर्शनाखाली करण्यात आली.

• सापळा अधिकारी: पोलीस निरीक्षक श्री. राजू आल्हाट (ACB, अहिल्यानगर)
• सहकारी पथक: पोलीस अंमलदार चंद्रकांत भिमसेन काळे, किशोर विठ्ठल कुळधर, शेखर बाळासाहेब वाघ.
• तपास अधिकारी: पोलीस निरीक्षक श्रीमती छाया देवरे (ACB, अहिल्यानगर).

ACB चे नागरिकांना आवाहन: कोणत्याही शासकीय अधिकारी किंवा कर्मचाऱ्याने शासकीय कामासाठी लाचेची मागणी केल्यास तात्काळ लाचलुचपत प्रतिबंधक विभागाशी संपर्क साधावा.

• टोल फ्री क्रमांक: १०६४
• व्हॉट्सॲप क्रमांक: ९१६८६४१०६४ / ९९३०९९७७००
• वेबसाईट: acb.maharashtra.gov.in
•