मुंबई - २०२२ चे विजेते गुजरात टायटन्स आयपीएल २०२५ मधून बाहेर पडले आहेत.
एलिमिनेटर सामन्यात त्यांना मुंबई इंडियन्सने २० धावांनी पराभूत केले. यासह, मुंबईने क्वालिफायर-२ मध्ये प्रवेश
केला आहे, जिथे त्यांचा सामना पंजाब किंग्जशी होईल.
मुंबईने न्यू चंदीगड येथील महाराजा यादविंद्र सिंग आंतरराष्ट्रीय स्टेडियमवर
नाणेफेक जिंकून फलंदाजीचा निर्णय घेतला. संघाने २० षटकांत ५ गडी बाद २२८ धावा
केल्या. प्रत्युत्तरात गुजरात २० षटकांत ६ गडी बाद २०८ धावाच करू शकला. ट्रेंट
बोल्टने २ विकेट घेतल्या. जसप्रीत बुमराह, रिचर्ड ग्लीसन, मिचेल सँटनर आणि अश्विनी कुमार यांना
प्रत्येकी एक विकेट मिळाली. साई सुदर्शनने (८० धावा) अर्धशतकी खेळी केली.
वॉशिंग्टन सुंदरने ४८ धावा केल्या.
एमआयकडून रोहित शर्माने ५० चेंडूत ८१ धावांची खेळी केली. त्याने ९ चौकार आणि ४
षटकार मारले. रोहित व्यतिरिक्त, जॉनी बेअरस्टोने ४७, सूर्यकुमार यादवने ३३, तिलक वर्माने २५ आणि कर्णधार हार्दिक
पंड्याने नाबाद २२ धावा केल्या. गुजरातच्या प्रसिद्ध कृष्णा आणि साई किशोर यांनी
प्रत्येकी २-२ विकेट घेतल्या.
Post a Comment