अमेरिकेनं हिंदी महासागरात इराणची युद्धनौका बुडवली. बुधवारी सकाळच्या सुमारास इराणची INRS डेना युद्धनौकेवर अमेरिकेनं हल्ला केला. अमेरिकेच्या पाणबुडीनं श्रीलंकेच्या किनाऱ्याजवळ इराणच्या युद्धनौकेला जलसमाधी दिली. या हल्ल्याचा बदला इराणनं अवघ्या २४ तासांत बदला घेतला आहे.
IRIS डेना युद्धनौका १६ ते २५ फेब्रुवारी या कालावधीत विशाखापट्टणमला होती. इंटरनॅशनल फ्लीट रिव्ह्यूमध्ये सहभागी होण्यासाठी डेना भारतात आली होती. यानंतर ती मायदेशी जाण्यासाठी निघाली. २८ फेब्रुवारीला इस्रायल, अमेरिकेनं इराणवर हल्ला केला. २५ फेब्रुवारीला डेना विशाखापट्टणममधून निघाली. यानंतर ती भारताच्या सागरी हद्दीतून बाहेर पडली. श्रीलंकेच्या किनाऱ्याजवळ असताना अमेरिकेच्या पाणबुडीनं डेनावर हल्ला केला. अवघ्या काही मिनिटांत युद्धनौका बुडाली. यामध्ये ८७ जणांचा मृत्यू झाला.
१६ ते २५ फेब्रुवारी या कालावधीत इराणची युद्धनौका भारताची पाहुणी होती. भारतात झालेल्या युद्ध सरावात तिनं सहभाग घेतला. अमेरिकेच्या पाणबुडीनं पाणतीर सोडून हल्ला केला तेव्हा ही युद्धनौका आंतरराष्ट्रीय जलहद्दीत होती. तिनं अखेरच्या क्षणी मदतीसाठी श्रीलंकन नौदलाशी संपर्क केला होता.
अमेरिकेनं युद्धनौका बुडाल्यानंतर इराणनं बदला घेण्याचा इशारा दिला होता. डेनाला जलसमाधी मिळाल्यानंतर इराणनं अवघ्या २४ तासांत पर्शियाच्या आखातात अमेरिकेला दणका दिला. अमेरिकेच्या टँकरवर इराणनं जबर हल्ला केला. यानंतर अमेरिकेच्या जहाजाला आग लागली.
IRIS डेनावर केलेल्या हल्ल्याचा अमेरिकेला पश्चाताप होईल, अशी थेट धमकी इराणच्या परराष्ट्र मंत्र्यांनी दिली होती. इराणनं त्यांचा शब्द २४ तासांत खरा करुन दाखवला. इस्लामिक रिव्होल्युशनरी गार्ड कॉर्प्सनं (आयआरजीसी) अमेरिकेच्या टँकरवर हल्ला केला.
पर्शियाच्या आखातात उत्तरेला आयआरजीसीनं अमेरिकेला दणका दिला. या कारवाईनं इराणनं डेनावरील हल्ल्याचा बदला घेतला. पाणबुडीचा वापर करुन अमेरिकेनं इराणची युद्धनौका बुडवली. दुसऱ्या महायुद्धानंतर प्रथमच अमेरिकेनं पाणबुडीचा वापर करत पाणतीराच्या माध्यमातून हल्ला केला आणि युद्धनौकेला जलसमाधी दिली. आंतरराष्ट्रीय जलहद्दीत अमेरिकेनं इराणच्या नौकेवर हल्ला झाला. त्यात ८७ जण मारले गेले. श्रीलंकन नौदलानं ३२ जणांना वाचवलं. यात डेनाच्या कमांडरसह काही वरिष्ठ अधिकार आहेत. काही जण अद्यापही बेपत्ता आहेत.
Post a Comment